Impakaammo ti Department of Health (DOH)a 288 road crashes iti nairekord iti intero a pagilian manipod April 13 agingga 17 a ti walopulo ket dua a porsiento a nairaman ket saan a nagaramat ti helmet wenno seatbelts.
Segun ti DOH, dagiti uppat a tattao a kumpirmado a natay ket agpapada a gapu iti motorcycle-related accidents.
Gapu dayta ket nagpalagip ti DOH iti kanayon a panag-seatbelt ken nu kas bilang agmotorsiklo ket nasaysayaat nga agaramat iti helmet.
Manipod iti 288 a total cases ket 235 iti karaman nga indibidual a napaay a nagaramat ti safety accessories idinto a 221 iti motorcycle-related incidents.
Kinuna ti DOH a ti duapulo nga aksidente ket nakairamanan dagiti tattao a naka-inom iti nasanger.
Innayon ti health department a ti 288 a bilang ket 35% a nababbaba nu kumparar iti isu met la a panawen idi 2024 isu a naipaganetget iti nainget a panangsurot iti road safety measures.
