VIGAN CITY- Inpatangken ni Presidential legal adviser atty. Salvador Panelo nga awan ti linabsing a linteg dagiti walo a mahistrado ti Korte Suprema a nangpabor iti qou warranto petition kontra kenni dati a chief justice Maria Lourdes Sereno.
Segun kenni Atty .Panelo, inaramid laeng dagiti walo a mahistrado a da Associate Justices Teresita Leonardo-de Castro, Diosdado Peralta, Lucas Bersamin, Francis Jardeleza, Samuel Martires, Noel Tijam, Andres Reyes Jr. ken Alexander Gesmundo ti trabaho da a trataren ken desisyonan dagiti petitisyon ken kaso a naipila iti korte.
Innayonna nga ad-adda a makasuan iti culpable violation of the Constitution ken patent betrayal of public trust dagiti nasao a mahistrado no saan da nga inaksyonan ti qou warranto petition.
Maipalagip a pinangtaan ni Albay Rep. Edcel Lagman dagiti walo a huwes a mapilaan da ti impeachment no saan da nga ibabawi ti desisyon da a nangpabor iti qou warranto petition kontra kenni Sereno
