House Committee on Justice, saan a mabalin nga agin-bubulsek iti kayat iti 88% a Pilipino a sumango iti impeachment trial ni VP Duterte

Patien ni House Deputy Speaker ken La Union Rep. Paolo Ortega V a nadagdagsen ita ti akem ti House Justice Committee ta saan laeng a reklamo iti impeachment kontra ken ni Vice President Sara Duterte iti rumbeng a dengngenda.

Segun ken ni Ortega, adda iti sangwananda ita iti nalawag a panawagan dagiti umili a leppasenen iti rinnabak ta kayatda a makita iti husto a depensa ti bise presidente.

Dayta ket mensahe ni Ortega kalpasan a rimmuar iti Tangere survey nga 88% a Pilipino iti kayatda a sumango ni VP Sara iti Senate impeachment trial.

Kinuna ni Ortega a no kasta kakarun ti kiddaw dagiti umili para iti sungbat ket nababainen para iti maysa nga opisyal ti gobierno.