Naikkat iti serbisyo ti National Police Commission wenno NAPOLCOM ni Patrolman Joshua Mendoza kalpasan a rimmuar iti imbestigasyon a liable isuna iti Grave Misconduct ken Conduct Unbecoming of a Police Officer gapu iti panaglabsing ti Republic Act No.8353 wenno Anti-Rape Law of 1997.
Iti pangngeddeng ti Commission En Banc, napaneknekan a guilty ni Mendoza iti panangrames iti maysa nga awan puotna a babai kas maibasar kadagiti nakalap a substantial evidence kas kadagiti testimonya ti witness, resulta iti medical-legal, CCTV footage, ken consistent ken corroborated nga account iti complainant.
Kabayatanna, naikkat ti bisa ni Patrolman Jehan Mendoza pakairamanan ti reklamo ta mapapati nga awan ti umdas nga ebidensya a mainaig kenkuana ken ti nasao a krimen kas kinuna ti komisyon.
Impaganetget ni NAPOLCOM Commissioner Ralph Calinisan nga awan ti lugar ti polis iti nasao a klase iti krimen isu a saanda a palabsen kangrunaan ket trabaho dagiti polis a salakniban ti karbengan iti tunggal maysa ket saan nga abosoen.
