Nangipila dagiti sumagmamano nga abogado ti ‘supplemental petition’ iti Korte Suprema mainaig iti panagdenggeg ti House of Representatives Committee iti impeachment kontra iti Bise Presidente.
Imbingay ni Atty. Israelito Torreon ti panagipila da ti petition iti Korte Suprema kadua ti sumagmamano a petisioner kas da Atty. Vic Rodriguez ken Atty. Jimmy Bondoc.
‘Supplemental Petition for Certiorari’ ti naipila gapu iti pammati a saan a mayataday iti linteg wenno unconstitutional ti implementasion ti House Resolution No. 892.
Babaen gamin iti nadakamat a resolusion, napalubosan ti komite iti Kongreso nga agisayangkat ti panagdengngeg mainaig kadagiti reklamo nga impeachment kontra ken ni Vice President Sara Duterte.
Pinasingkedan dagiti petitioner a naaddaan ti ‘grave abuse of discretion’ ti House Committee on Justice gapu ta intuloy da latta ti panagdengngeg uray naka-recess ti Kongreso.
