Posible a saanen a pansinen ti Supreme Court ti mosyon ti grupo ni Atty. Israelito Torreon maipanggep ti impeachment trial ni Vice President Sara Duterte.
No sublian ket nagipila ti grupo ni Torreon ti maysa a manifestation nga agkidkiddaw ti Temporary Restraining Order (TRO) ken status quo ante order kontra iti trial bayat a makwukwestyon ti pannakabotos ni Sen. Chiz Escudero kas presiding officer gapu iti mapapati a panaglabsing iti maipatpatungpal a linteg ken pagannurotan.
Segun ken ni University of the Philippines professor, Atty. Michael Tiu Jr., datin a saan a makibkibiang ti Supreme Court kadagiti immunan nga impeachment troal a napasamak iti pagilian.
Inlawlawag ti grupo a ti baro a manifestation ti grupo ni Torreon ket paset wenno nayon pay laeng iti immunan a petisyon a mangkukwestyon iti uppay nga impeachment complaint a naipila kontra ken ni VP Sara.
