Umaboten ti 740 a pamilia wenno 2,256 individuals manipod sangapulo ket walo a local government units iti Ilocos Sur ti naapektaran iti Bagyo Kristine.
Iti pannaki-uman ti Bombo Radyo Vigan ken ni Rhon Arquelada nga officer iti Provincial Disaster Risk Reduction and Management Office – Ilocos Sur, lima gasut walopulo ket dua a pamilia ti agtaltalinaed kadagiti duapulo ket siam nga evacuation center iti probinsia.
Segun ken ni Arquelada, gapu iti naangin a panawen ket dua a pagtaengan ti partially damaged manipod ili ti Sto Domingo ken Sigay.
Iti biang iti imprastraktura ket mapatta-patta P5.7 million iti gatad ti nadadael iti ili ti Cervantes idinto a saan pay nga ammo nu mano ti gatad ti naapektaran ti sector ti agrikultura iti probinsia.
VIDEO – RHON ARQUELADA
