Naawat nga on the spot iti 65,000 a job seeker iti agduduma a nationwide job fairs idi 2024 kas impakaammo ti Department of Labor and Employment (DOLE).
Segun ken ni DOLE Secretary Bienvenido Laguesma, 1,800 job fairs idi napan a taawen iti nakaallukoy iti nasurok 400,000 participants nga agsapsapul iti trabaho.
Impaganetget ni Laguesma a ti panagtutok iti gobierno kadagiti sumaysayaat a sektor kas iti digital economy, healthcare ken green economy ket tapno makabukel iti ad-adu a gundaway iti rabaho para kadagiti Pilipino.
Impasigurado iti ahensya iti publiko a ti Tulong Pangkabuhayan sa Ating Disadvantaged Displaced Workers program ket sumurot iti naing-inget nga eligibility guidelines kangrunaan inton eleksyon.
Pinalubosan ti Commission on Elections iti siam a DOLE social services programs kas iti TUPAD manipod election spending ban tapno masigurado nga agtultuloy iti suportar iti displaced workers.
