Limapulo ket lima a grupo ti medical professionals iti nangibingay ti danagda ti mapapati a pannakaikkat ni Dr. Maria Rosario Singh-Vergeire ken dadduma pay a beterano nga opisyal manipod iti Department of Health (DOH).
Iti joint statement nga indauluan ti Philippine Medical Association (PMA), nagpanawagan dagiti grupo ken ni President Ferdinand Marcos Jr. a pagtalinaeden ti integridad ti civil service ken irespeto ti merit-based system dagiti ahensya iti gobierno nangruna iti DOH.
Innayon dagiti grupo a ti pannakadutok dagiti opisyal nga agkurang ti public health background na ket mabalin nga agresulta ti demoralization iti biang dagiti health workers ken makadadael ti talek iti publiko iti DOH.
Idi laeng August 1 ket kinumpirmaran iti Malakanyang ti pannakadutok ni Randy Escolango a baro nga undersecretary iti DOH a kasukat ni Vergeire.
