Inaprubaran ti Pilipinas ken Amerika iti nasurok limagasut a joint military activities para inton 2026 iti naisayangkat a Mutual Defense Board-Security Engagement Board (MDB-SEB).
Ti annual MDB- SEB a naisayangkat iti Camp Smith, Hawai idi August 7 ken 8 ket indauluan da Armed Forces of the Philippines (AFP) chief Gen. Romeo Brawner ken US Indo-Pacific Command (INDOPACOM) Commander Adm. Samuel Paparo.
Segun ti INDOPACOM, nagpirma dagiti dua nga opisyal ti annual 8-Star memo ken activities list a mangaprubar ti bayabay ken plano para iti agtultuloy a collaboration pakairamanan ti Balikatan Exercise para inton 2026.
Simmayat ti langen-langen ti US-Philippine military iti napalpalabas a tawen ket pinasingkedanda ti balligi iti bilateral ken multilateral maritime cooperative activities iti kabaybayan iti Pilipinas.
