Pinasingkedan ni Armed Forces of the Philippines (AFP) Spokesperson for the West Philippine Sea Rear Admiral Roy Vincent Trinidad ti mapapati nga espionage activities dagiti tallo a Pilipino para iti China ket ti dakkel iti bayadda pakairamanan ti kasukat ti dakkel a sueldo ken dakkel a bunos manipod iti Chinese handlers.
Segun ken ni Trinidad, makasapsapul dagiti suspek ti uppat agingga innem a digit para iti impormasyon nga it-itedda ken makaaw-awatda iti dakkel a bunos.
Naammoan a maipatpatulod iti bayad kadakuada babaen ti digital wallets wenno food couriers kasukat iti impormasyon nga itedda.
Maysa kadagiti espiya ket mapapati a nakonsensya idi nakitana ti inaramid a panangdungpar ti barko iti China iti barko ti PCG a gappuanan iti pannakadunor iti sumagmamano a Pilipino.
Kinuna ni Trinidad a maysa a navy officer iti nagpakaaammo iti panggep nga i-recruit iti maysa a babai a gangannaet ken rinugianna iti panagkiddaw kadagiti sensitibo nga impormasyon.
