--Ads--
Nagbakwit iti 122 a pamilia wenno 306 nga umili iti Rehiyon Uno gapu iti epekto ti Typhoon Ofel.
Iti pannakipatpatang ti Bombo Radyo Vigan ken ni Adrianne Pagsolingan nga spokesperson ti Office of the Civil Defense Region 1, dagiti nasao a pamilia a nagbakwit ket manipod iti probinsia iti Ilocos Norte.
Segun ken ni Pagsolingan, dagiti simmurot a nagbakwit ket uppat a pulo ket lima a pamilia manipod Bacarra, maysa a pamilia idiay Adams, 65 a pamilia idiay Pagudpud, innem idiay San Nicolas ken lima idiay Piddig.
Nupay kasta ket awan met iti nairekord a nagbakwit iti Ilocos Sur ngem adda laeng iti saan a madalanan a kalsada iti paset ti Patungcaleo, Quirino gapu pay laeng iti panagreggaay iti daga idi napalabas a bagyo.
-- ADVERTISEMENT --
