--Ads--
Sangapulo ket dua a tattao iti natay idiay Vietnam gapu iti panagduprak iti Bagyo Bualoi wenno Bagyo Opong a dimalyasat iti Pilipinas.
Idi kalman a nag-landfall ti bagyo ken nangitunda iti napigsa a tudo ken angin.
Naaddaan iti storm surge isu nga umabot payen iti duapulo ket innem a kadapan iti kangato iti dalluyon.
Nairekord pay iti sangapulo ket pito a mapukpukaw nga agpapada a mangngalap.
-- ADVERTISEMENT --
Adu a pagtaengan iti nadadael idiay Hue City, Thanh Hoa ken iti probinsia iti Ninh Binh.
Umabot iti 350,000 nga agindeg iti naawanan iti suplay iti kuryente gapu iti nasao a bagyo.
Maipalagip a nangitunda iti dakkel a dadael ti Bagyo Opong iti paset ti Bicol Region ken iti Eastern Visayas idi napan a lawas.
