Awan ti plano ti Department of Justice (DOJ) nga awagan a terorista ni Vice President Sara Duterte gapu iti panagsaritana kontra ken ni President Ferdinand Marcos Jr.
Inlawlawag ni Justice Undersecretary Jesse Andres nga imimbestigaranda laeng ti posible a panaglabsing ni Duterte iti probisyon ti Anti-Terrorism Law.
Posible a linabsing ni Duterte ti linteg idi imbagana nga adda kinontratana a mangpapatay ti presidente ken kabagyanna nu adda saan a nasayaat a mapasamak kenkuana ngem saanna a kayat a sawen nga ad-adalenda nga ideklarar a terorista.
Nakailanad iti probisyon ti linteg a mabalin a madusa iti siasinoman a nainaig wenno adda intensyonna a patayen ti padana a tao tapno makayetnag ti destabilization ken mabuteng iti publiko.
Innayon ti opisyal a maysa a test case ti kaso ni Duterte tapno mapaneknekan iti public nga awan ti siasinoman iti linteg, marigrigat man wenno politiko.
