--Ads--
Kinarit ni Vice President Sara Duterte ni Ombudsman Crispin Remulla a rugian nga adalen ti Statement of Assets Liabilities and Net Worth wenno SALN-na.
Segun ken ni Vice President Sara, ipaimana laengen iti Namarsua dagiti aramiden ni Remulla kas Ombudsman.
Nagkedked met ni VP Sara nga agkomento iti panangibasura ti International Criminal Court (ICC) iti kiddaw nga interim release ni dati a President Rodrigo Duterte.
Saan metten a nagkomento ti bise presidente iti plano ti Kamara nga isubli ti P700 million a budget ti Office of the Vice President para iti tawen 2026 gapu iti saanna a panagdar-ay iti assembly.
-- ADVERTISEMENT --
Kinuna ti bise presidente nga unaenna pay iti pannakipagrikna kadagiti biktima iti nagsasaruno a ginggined iti pagilian.
