--Ads--
Tumestigo ni Department of Public Works and Highways Secretary Vince Dizon iti panagdengngeg ti Sandiganbayan kontra ken ni dati nga Ako Bicol Partylist Representative Zaldy Co.
Mangrugi ti panagdengngeg iti kaso ni Co inton Enero 20 ket inkari ni Dizon nga agbalin isuna a maysa a testigo.
Indeklarar ti Sandiganbayan a maysa a pugante ni Co gapu iti kaso a graft ken malversation a sangsangwenna.
Daytoy ket adda pakainaiganna iti P289.5 milyon a flood control projects idiay Oriental Mindoro a nangrugian ti arrest warrant kontra ken ni Co ken dagiti sangapulo ket lima pay nga opisial ti DPWH agraman dagiti representative ti Sunwest Inc.
-- ADVERTISEMENT --
Agtaltalinaed nga aglemlemmeng ti dati nga agpampanday linteg iti sabali a pagilian.
