Imbilin ti Office of the Ombudsman ken ni Vice President Sara Duterte ken dadduma pay nga opisial a mangilawlawag kadagiti kaso a sangsangwenna kas ti plunder, technical malversation, bribery ken anomlaya nga insingasing ti kamara a maipila kontra iti bise mainaig iti mapapati a saan nga husto a panagaramatna kadagiti confidential fund.
Segun ken ni Ombudsman Samuel Martires, karaman kadagiti respondent ti chief of staff ni Duterte a ni Zuleika Lopez, special disbursing officer Gina Acosta, dagiti dati nga opisial ti Department of Education a da Sunshine Fajarda, Edward Fajarda, Annalyn Sevilla, ken Nolasco Mempin, uray ni Col. Raymund Lachica, commander ti security group ti bise presidente.
Binilin ti Ombudsman dagiti respondent nga ipasa ti counter-affidavit ken affidavit dagiti testigo, kasta payen dagiti dadduma a supporting documents iti uneg ti sangapulo nga aldaw.
No bilang saan a makaipasa dagiti respondent dagiti counter-affidavit-da, maibilangton a waiver dagiti respondent wenno ikkatendan ti karbengan a kontraen dagiti ebidensya.
