Nangipila ti maysa a resolusion ni dati a Senate President Vicente Sotto III kadua ti uppat a senador a mangkid-kiddaw ken ni Senador Ronald Bato Dela Rosa a boluntario a sumuko kadagiti proper authority.
Ti Senate Resolution No. 395 ket insingasing da Sotto, Senador Francis “Kiko” Pangilinan, Panfilo Lacson, Risa Hontiveros ken Bam Aquino kalpasan a kumpirmaran ti International Criminal Court (ICC) ti warrant of arrest kontra ken ni Dela Rosa.
Iti nadakamat a resolusion, nakaipalaon nga awan ti basaran a constitutional wenno legal ti Senado tapno mangted ti “protective custody” tapno makaliklik iti pannakakemmeg ti sinuman a miembro.
Naallukoy pay ni senador Bato nga aramaten ti judicial remedies iti salinong ti Konstitusion imbes nga agtalinaed iti uneg ti Senado.
