Maysa ti nadangran iti napasamak a vehicular traffic incident iti national highway sakupen ti Barangay Barangobong ili ti Sta. Lucia.
Ti nagmaneho ti Yamaha Sniper ket agtawen ti duapulo ket uppat a residente ti Barangay Bugbuga Este, Santa Cruz.
Ti met nagmaneho ti mini dump truck ket agtawen ti limapulo ket pito a residente ti Barangay San Juan, Santa Lucia.
Basar ti imbestigasion, ti mini dump truck nga adda iti northbound lane ket nagsignal nga agpakannigid ket idi nadanonda ti nakapasamakan ti insidente, aksidente a nadungpar ti Sniper nga adda iti bangir a linya ti kannawan a paset ti truck.
Nadunor ti nagmaneho ti Sniper a naipan iti balay pagagasan para ti naan-anay a pannakatamingna idinto a saan a naan-ano ti drayber ti mini dump truck.
