--Ads--
Indeklarar ti gobierno ti probinsia ti Albay ti state of calamity iti sumagmamano a lugar nga apektado iti agtultuloy a panagalboroto ti Bulkan Mayon.
Daytoy ket tapno mapadaras ti relief ken rehabilitation efforts kadagiti apektado nga umili.
Iti maysa a resolusion nga inaprubaran ti Sangguniang Panlalawigan, karaman iti deklarasion ti siudad ti Tabaco, Legazpi, ken Ligao, kasta met dagiti ili ti Camalig, Malilipot, Sto. Domingo, Daraga, ken Guinobatan.
Segun ken ni Board Member Milagros Bal, gagem ti deklarasion a mapadaras ti panangipaay ti gobierno ti tulong bayat nga agtultuloy ti pangta ti volcanic hazards kadagiti komunidad iti aglawlaw ti bulkan.
-- ADVERTISEMENT --
