Agpada a nadunor dagiti menor de edad a nagkalugan iti motorsiklo iti pannaka-aksidenteda iti Barangay Road, Bayubay Norte, San Vicente, Ilocos Sur idi rabii, April 24, 2026.
Ti nagmaneho ti Isuzu Smash motorcycle ket lalaki nga agtawen iti sangapulo ket pito a taga-Bayubay Norte, San Vicente idinto a ti backrider-na ket agtawen iti sangapulo ket uppat nga agnaed idiay Barangay Ayusan Norte, Vigan City.
Agturong ti motorsiklo iti amianan a direksyon iti Barangay Bayubay Norte, San Vicente idin naawanan iti kontrol ken aksidente a natinnag iti kataltalonan a gapuanan ti pannakadundunorda a dua.
Gapu dayta ket naipanda iti ospital babaen kadagiti kameng ti Rural Health Unit San Vicente para iti pannakatamingda.
Naammoan nga agpada a naka-inom iti arak dagiti dua idi napasamak iti aksidente.
