Personal nga ininspeksyon ni Pres. Ferdinand Marcos Jr. ita nga aldaw dagiti nadadael nga imprastraktura idiay General Santos City gapu ti magnitude 7.8 a ginggined.
Immunana binisita ni Pres. Marcos iti St. Elizabeth Hospital a nakakitaanna iti dakkel a damage iti pasdek iti ospital ken dadduma pay a health facilities iti siudad.
Binilin ti presidente dagiti maseknan nga ahensya nga unaen ti structural assessment dagiti naapektaran nga ospital tapno masigurado iti kinatalged ken panaglaing dagiti pasyente.
Binilin pay ti presidente ti Department of Social Welfare and Development para iti napaspas a panagtulong kadagiti naapektaran iti ginggined tapno insigida a makabangon dagiti komunidad a naapektaran iti napigsa a ginggined.
Malaksid iti inspeksyon ket nangipaay pay ti presidente ti tulong kadagiti biktima iti ginggined kas ti pinansyal, medikal ken dadduma pay.
