--Ads--
Pinalubosan ti Sandiganbayan Fifth Division ti temporaryo a panagruar ni Senador Jinggoy Estrada manipod Quezon City Jail tapno dumalan iti knee X-ray iti maysa a pribado nga ospital inton Mierkules, August 26.
Maibasar ti court order, alas onse iti bigat isuna a mabalin a rumuar iti pagbaludan ken dumalan ti procedure iti ala una iti malem kaduana dagiti security escort-na.
Gastos ni Estrada ti amin a mabayadan iti ospital, medical fees ken transportasyon.
Kasapulan met a makasubli ni Estrada iti Quezon City jail iti saan a nalablabes iti alas tres iti malem iti isu met la nga aldaw.
-- ADVERTISEMENT --
