--Ads--
Siguradoen iti Malakanyang a saan nga agkurang iti bagas iti pagilian uray mangrugin iti 60-day import ban inton September 1, 2025.
Segun ken ni Palace Press Officer Claire Castro, nakasagana ti Department of Agriculture (DA) a bantayan ti presyo ken suplay kadagiti tiendaan tapno masigurado a masursurot iti naituding a maximum retail price.
Makikammayeten iti DA kadagiti mannalon, millers ken traders tapno maliklikan iti aniaman a pananggundaway wenno panagngina iti presyo.
Linawas a monitoren iti ahensya iti garaw ti presyo ken suplay iti bagas iti intero a pagilian.
-- ADVERTISEMENT --
Nangrugi payen iti harvest season isu a namnamaen iti gobierno nga umanay iti lokal a produksyon tapno mapagtalinaed a natibker ti presyo iti bagas.
