Mangrugin nga agtakem iti Department of Education ni Sen Juan Edgardo Angara iti aldaw nga epektibo ti resignation ni Vice President Sara Duterte, wenno inton July 19.
Segun ken ni Angara, July 18 ti naituding a turnover ceremony ket kabigatanna ket pormalen nga imatonanna iti baro a posisyon ket manamnama a makaduana ti bise presidente ken makiddawanna iti balakad inaig iti panangipataray iti ahensia.
Sakbay ti turnover, kinumpirmaran ni Angara a nakitaripnongen kadagiti dadduma nga Undersecretaries ken Assistant Secretaries ti DepEd tapno maamuan no ania dagiti banag a kasapulan a maikkan iti importansya.
Partikular nga amamwen ti incoming DepEd Secretary ti panagsagana ti ahensia para iti baro a school year 2024-2025.
Kagiddan dayta, kinuna ti Angara a numan pay adda dagiti opisial ti ahensia ti nangipila iti resignation ket saan pay a masigurado no mangdutukda kadagiti baro nga opisial gapu ta kasapulan pay nga adalen ti sistema ti ahensia.
