Nakapagsaritan dagiti karaman iti panagdinnungpar ti truck ken kotse idiay Barangay Balaleng, Bantay, Ilocos Sur.
Ti truck ket minaneho ti agtawn ti tallopulo ket lima, naasawaan ken residente ti Barangay Taleb ti nadakamat nga ili.
Ti met Toyota Vios ket minaneho ti agtawen uppat a pulo ket walo, awan ti drivers na license na ken residente ti Barangay Paratong, Sinait, Ilocos Sur.
Iti pannaki-uman ti Bombo Radyo Vigan ken ni PLt. Donne Alfred Gamueda a hepe iti Bantay Municipal Police Station, iti imbestigasyonda ket bayat nga agparparking ti truck ket kellaat lattan a dinungpar ti agpapa-amianan a kotse.
Segun ken ni Gamueda, mapapati a nagdungsa ti driver ti kotse bayat iti panagawidna isu a nadungparna iti truck.
No pay kasta, awan iti nadangran iti nasao nga aksidente.
