Daan a susik ti rumrummuar a rason iti napasamak a shooting incident idiay Barangay Pong-Ol, siudad ti Vigan.
Ti biktima ket ni Fernando Quebral, retirado a pulis, agdama a barangay kagawad, idinto a ti suspek ket ti kayong-na a maysa nga empleyado ti Vigan City Hall.
Iti pannakiuman ti Bombo Radyo Vigan ken ni Evelyn Quebral, asawa ti biktima, adda nangeg na a putok ti paltog iti iruar ti pagtaengan da, ket idi napan na kinita, linugubanen ti suspek ti asawa-na.
Pinadas ni Evelyn nga anawen dagiti dua ngem narigatan isuna gapu ta nagalis ti bagi ti suspek ta naka-suot laeng ti pawad a bado idi mapasamak ti insidente.
Nagpatulong isuna ti anak ti suspek nga aganawa gapu ta adda isuna a naka-imatang idi mapasamak ti insidente ngem saan daytoy nga immasideg.
Gapu dayta, pinadas manen ti asawa ti biktima nga aganawa ket dita a naguyod na ti suspek ngem naiwadag met laeng ket dita a gundaway a pinaltugan manen ti suspek ti kayong-na.
Nagsagaba ti biktima ti tama ti bala ti paltog iti akin-ngato a paset ti bagi-na dagus a naitaray iti balay pagagasan para ti naan-anay a pannakatamingna ket iti agdama addan iti natalged a kasasaad.
Naglibas ti suspek kalpasan ti napasamak nga insidente, ket mannarimaan ti manhunt operation dagiti pannakabagi ti linteg.
