Pinasingkedan dagiti residente iti Laurel, Batangas a ti search ken retrieval operations kadagiti missing sabungero idiay Taal Lake ket naaddaan iti negatibo nga impact iti fishing ken tourism industries.
Segun ken ni Batangas Mayor Lyndon Bruce, bimmassit ti bangka nga agturturong iti dan-aw ta awan unayen iti order a maipapan iti tiendaan idiay Manila.
Kinunana pay a bimmasit dagiti turista a mapmapan iti lugar.
Iti baet ti search ken retrieval operation iti national government ket sisasagana ti lokal a gobierno a tumulong kadagiti kasapulanda.
Iti maikatlo nga aldaw a panagsapul ket dua pay a sako a posible a naglaon ti tulang ti tattao iti nasarakan ti Philippine Coast Guard divers.
Maisaysayangkat ti panagsapul iti Taal Lake kalpasan nga impakaammo ni whistleblower Julie Dondon Patidongan a naipan didiay ti bangkay dagiti missing sabungero a nadukot idi 2021 agingga 2022.
