Nakikaysa ni Senador Loren Legarda iti panawagan ti anakna a ni Cong. Leandro Leviste nga imbestigaran ti pannakaited ti ayuda ken subsidy program iti gobierno kangrunaan iti saan a patas a panagiwaras ti sumagmamano a barangay iti probinsia iti Batangas.
Ti panawagan ni Legarda ket nakalanad iti Senate Resolution No. 381 nga impilana idi May 4 ken nagipila pay ti anakna iti kas met laeng ti nasao a resolusyon iti Kamara.
Nakalanad ti resolusyon dagiti report manipod idiay Batangas a nasurok 84 a barangay iti ili ti Taal ken Nasugbu ti saan a nairaman wenno naimbitaran iti pannakaiwaras iti ayuda iti salinong ti “Bawat Barangay Makikinabang” program.
Segun ken ni Legarda, nalabsan iti sumagmamano a barangay uray adda opisyal a sarita nga amin a barangay ket rumbeng a makaawat ti pondo iti baet iti panagipasada kadagiti kasapulan a dokumento.
Nakalanad pay nga adda dagiti pakaammo a mapapati a saan a nairaman iti sumagmamano a barangay ket gapu iti “local political considerations wenno other non-objective factors”.
