Naikeddeng ti panangideklarar ni US Presidente Donald Trump kas teritorio ti Amerika ti Strait of Hormuz kalpasan ti naan-anay a pannakaabak ti Iran.
Pinasingkedan daytoy ni Trump iti political rally iti maysa a police academy iti New York state.
Maipalagip a nagtitinnulong ti US ken Israel a nangirugi iti gubat kontra Iran idi Pebrero 28 tapno agpatingga ti kontrobersial a nuclear program a nakaigapuan ti nasaknap a riribuk iti Middle East.
Ngem nagibales ti Iran babaen ti panangipasdekna iti de facto a panangtengngel iti Strait of Hormuz, a napateg a pagnaan ti lubong iti bulk oil ken dadduma pay a shipping commodity.
Iti agdama, agtultuloy nga isay-sayangkat ti US iti blockage kadagiti sangladan ti Iran iti panangpadasna a mangparalisa iti ekonomia ti Iran bayat a lapdan ti Tehran ti iseserrek dagiti sibilian a barko ken ti US Navy iti Strait of Hormuz. Kloefe Jayna Dayag
