--Ads--
Namnamaen ti Bangko Sentral ng Pilipinas a ngumato iti nagbaetan ti 6.4 agingga 7.4 a porsiento ti inflation rate ti pagilian para iti bulan ti Setyembre 2026.
Segun iti BSP, ti manamnama a panagngato ti presio dagiti magatang ket gapu ti epekto ti madi a paniempo iti presio dagiti nateng, lames, bagas, ken prutas kadagiti lokal a merkado.
Makatulong pay iti panagngato ti lebel ti inflation ti agtultuloy a panagngato ti presion ti produkto petrolyo kasta pay ti panagkapsot ti gatad ti piso kontra dolyar idi napalabas a domingo.
Agtaltalinaed a nakapokus ti BSP kadagiti panagbaliw iti world market, partikular kadagiti mapaspasamak idiay Middle East ken dagiti kalamidad tapno mangidatag ti naan-anay a tignay para iti ekonomiya.
-- ADVERTISEMENT --
