Nangiruar iti show cause order ti Land Transportation Office kontra iti maysa a tricycle driver idiay Taytay, Rizal kalpasan a maalaan iti video a pasaray umakar iti linya ken pasikig nga agmaneho.
Segun iti LTO, naglabsing ti drayber iti linteg-trapiko, agraman ti saan a husto a panagaramat iti linya ken obstruction to traffic flow, ken mangituntunda iti peggad iti kinatalged ti publiko.
Nabilin ti drayber a sumango iti panagdengngeg ti LTO Intelligence and Investigation Division ken mangipasa iti palawag no apay a saan a nasken a mapilaan iti kaso a reckless driving ken improper person to operate a motor vehicle.
Nasuspenso pay laeng ti lisensyana iti uneg ti 90 nga aldaw ken naibayog iti alarm status ti tricycle-na kabayatan nga agtultuloy ti imbestigasion.
