Impaganetget ni Sen. JV Ejercito a rumbeng nga ipatungpal ti travel ban kontra kadagiti opisyal a karaman iti maanomalya a flood control projects.
Segun ken ni Ejercito, rumbeng a maidalan ti immigration watchlist dagiti tattao nga adda iti likodan dagiti proyekto tapno maliklikan ti panaglibasda iti pagilian.
Kayatna a paawagan inton sumaruno a panagdenggeg iti Senate Blue Ribbon Committee dagiti regional directors, district engineers, ken assistant district engineers a karaman iti iregularidad.
Impanawagan manen ti senador kadagiti padana nga agpampanday linteg nga ipasa ti Proposed Masterplan for Infrastructure and National Development Act a gagem a mailatag ti long-term ken strategic blueprint para iti amin a government infrastructure projects.
