Access iti social media, maisingsingasing a maiparit kadagiti awan pay ti 16 a tawenna

Maisingsingasing iti Senado ti gakat a mangiparit dagiti ubbing nga awan pay ti sangapulo ket innem a tawen na nga agparehistro, agusar ken agtalinaed dagiti accounts iti aniaman a social media platform.

Iti gakat ni Senador Sherwin Gatchalian, pinasingkedan na a naintiempuan tapno protektaran dagiti ubbing manipud iti epekto ti social media.

Iti salinong ti Senate Bill No. 2066, agbalin a mandato dagiti social media platform provider’s nga agipatungpal ti age ken identification verification systems.

Masapul pay ng agisayangkat ti regular audit tapno ma-deactivate dagiti accounts dagiti users nga awan pay ti husto a tawen na ken agipatungpal ti reporting ken response mechanisms para iti underage access.