Pinagkedkedan ni Senador Panfilo “Ping” Lacson ti maipagarup a tukon a P50-M a pondo mainaig iti Technical Education and Skills Dvelopment Authority (TESDA) ken inkarina a mangsapul iti pannakalawlawag bayat dagiti plenary debates maipapan iti naisingasing a badyet ti ahensia iti 2027.
Inlibak ni TESDA secretary-general Jose Francisco “Kiko” Benitez nga inotorisanna ti asinoman a mangitukon iti pondo ni Lacson ken inyebkasna ti suportana iti imbestigasion tapno maammuan ti kinapudno.
Imbilin ni Benitez ti madagdagus nga internal investigation tapno mabigbig dagiti responsable iti mapapati nga unauthorized offer ken kinunana a mabalin a maipila ti administrative wenno criminal charges depende iti resulta.
Inulit ni Lacson ti panangbusorna iti pork barrel ken itukonna a pondo a kasukat ti botos wenno tignay dagiti mammanday-linteg ken kinunana a nasinged a repasuen ti Senado ti bersion ti 2027 national budget nga inaprobaran ti Kamara.
