--Ads--
Impakaammo ti Bureau of Customs a dumalan iti negotiated sale wenno “direct offer” ti uppat a nabatbati a luxury vehicles a naala manipud kadagiti agasawa a kontratista a da Pacifico Discaya at Sara Discaya.
Daytoy ket kalpasan a napaay a mailako idi napalpalabas a public auction.
Segun ti BOC, maisayangkat ti negotiated sale inton Abril 30, idinto a malukatan iti publiko ti viewing dagiti lugan manipud Abril 27 agingga 29 idiay Port Manila.
Karaman kadagiti malako a luxury vehicles ti GMC XL Yukon Denali (2022), Cadillac Escalade (2021), Maserati Levante (2022), ken GMC Yukon Denali (2022).
-- ADVERTISEMENT --
Inlawlawag ti ahensia a maisayangkat ti negotiated sale no umabot iti dua a gundaway a saan a nagballigi iti auction bidding.
