VIGAN CITY – Nasangaili ni Tourism Secretary Bernadette Romulo Puyat iti panaglukat ti Caniaw Heritage Tourism Park idiay Sitio Caniaw, Barangay Taleb, Bantay idi April 12.
Inpeksa na iti panagyaman na iti provincial government gapu ti panangipateg da kadagiti naduma-duma nga environmental laws kagiddan iti panagdur-as iti sektor ti turismo ditoy probinsiya.
Pakaragsakan pay ni Puyat iti makikinnammayet iti local government unit ditoy probinsiya ta kinunana ket uray nu adu ti napintas a pagpasyaran ditoy nu saan met a napintas iti pannakaimanehar na ken saan a bigbigen ti DOT ket awan met laeng iti serserbi na.
Inkari ti tourism secretary a saan laeng a ti Caniaw Heritage Tourism Park iti tulungan na nga ital-o kadagiti turista ngem ketdi pati pay iti syudad ti Vigan isu a mangkitan to iti wagas nu kasanu a makatulong iti ahensya nga idaulwan na iti pannakapapintas ken pannakapalawa ti Vigan airport tapnu isunto iti pagdisoanen dagiti eroplano a mangitulod kadagiti turista nga umay agpasyar ditoy probinsiya.
