Vigan City – Insayangkat dagiti kameng iti Technical Education and Skills Development Authority Provincial Office ti coastal clean up idiay Brgy. Ambucao, Santiago.
Iti pannaki-uman ti Bombo Radyo Vigan kenni TESDA Ilocos Sur Provincial Officer Joel Pilotin, paset iti anibersaryo iti ahensyada iti panangisayangkatda ti coastal clean up ken kalaksidan iti nasao nga aktibidad insayangkatda iti taripnong no ania dagiti mabalin pay nga aramidenda sakbay nga agturpos iti tawen 2022.
Naki-uman ni Pilotin kadagiti opisyales iti nasao a barangay ket ingkarina nga adda iti maisayangkat a skills training para kadagiti bumarangay a dakkel a tulong kadakuada.
Inallukoy ti opisyal dagiti umili a gundawayan dagiti programa nga idiaya iti ahensya ti TESDA Ilocos Sur.
