--Ads--
Mangipaay ti Philippine National Police iti libre a lugan para kadagiti apektado a pasahero inton Abril 15 agingga 17.
Kagiddan dayta iti 3 nga aldaw a nationwide transport strike nga irusat ti grupo a Manibela kas panawagan iti tignay manipud iti gobierno iti baet ti panagpangina ti presio ti langis gapu iti riribuk iti Middle East.
Segun ken ni PNP Chief Gen. Jose Melencio Nartatez Jr., gagem ti addang a matulongan dagiti commuter kabayatan a mapagtalinaed ti seguridad ken kinaurnos iti baet ti kilos-protesta.
Makibinnulig ti PNP kadagiti transport group tapno maliklikan ti aberya ken maisayangkat ti ‘maximum tolerance’ kadagiti raliyista.
-- ADVERTISEMENT --
