Nadunor dagiti tallo a nagkalubbon iti motorsiklo ken maysa a drayber ti traysikel gapu iti aksidente idiay Barangay Calongbuyan, Candon City.
Ti traysikel ket minaneho ni Rodolfo Marquez Umipig, agtawen iti uppat a pulo ket pito, agnaed iti nasao a lugar.
Ti met motorsiklo ket minaneho ti maysa a menor de edad, taga-Barangay Lantag, Sta. Cruz, ken adda dua a kinalubbonna.
Iti pannaki-uman ti Bombo Radyo Vigan ken ni PLT. Jovelyn Antalan, agpapalaud dagiti dua a lugan ket idi nadanonda ti nakapasamakan ti insidente, nagsikko ti traysikel ket nadungpar daytoy ti motorsiklo iti akin-kannigid a paset ti likudanna.
Naipaagas dagiti dua a drayber iti ospital para iti pannakatamingda.
Napaspas ti panagpataray ti motorsiklo ken awan ti helmet dagiti naglugan.
Innayon ni Antalan a saan napakadaan ti drayber ti motorsiklo ti panagsenyal ti traysikel ket impadasna ti nagpreno ngem saan a nag-function isu a nadungparna ti traysikel.
