VIGAN CITY – Matamtaming ti ospital dagiti karaman iti napasamak nga aksidente idiay Brgy. Villa Quirino, San Esteban.
Nabigbig dagiti karaman ti aksidente a da Harry James Tumbaga Ingan, driver ti Transport Pro Bus, Ricky Estal Durian agtawen dua pulo ket tallo driver ti 10 wheeler truck kenni Orland Noel Prongoso Ronquillo agtawen dua pulo ket siam a nagmaneho ti Ford Ranger.
Basar ti report manipod San Esteban Municipal Poliec Station, agpada a daldalyasaten ti Bus ken Truck ti agpammianan a direksyon ken sabali met a direksyon ti Ford Ranger manipod ti bangir a kalsada.
Nasapgid ti Ford Ranger ti bus iti agsikko a paset ti kalsada ken naidungpar ti sumarsaruno a 10 wheeler truck a minaneho ni Durian.
Pinadas ti driver ti 10 wheeler truck a liklikan iti panagdinnungparda ngem naudin iti amin ken naidungparna pay ti maysa a pagtaengan ken naka parking a tricycle ti akin daya a paset ti kalsada.
Naipan ni Ronquillo ti ospital pakairamanan dagiti tallo a kadduana a nakalugan ti Ford Ranger ken nagsagaba pay ti dunor ti nadumaduma a paset ti bagina ti driver ti 10 wheeler ken pahinantena.
