Ituloy ti Korte Suprema ti oral arguments maipanggep ti kwestyunable a panagaramat ti unprogrammed funds ken special accounts iti salinong ti General Appropriations Act manipod 2024 agingga 2026.
Segun ti Korte Suprema, maisayangkat ti oral arguments iti alas nuebe y media iti bigat ti En Banc Session Hall inton June 2,9 ken 16.
Matartar ti consolidated wenno napagtipon a petisyon nga impila da dati a Senador Koko Pimentel, Mamamayang Liberal Party-list Rep. Leila de Lima ken dadduma pay a mangkukwestyon iti sumagmamano a probisyon iti national budget.
Kweskwestyunaran dagiti petitioner ti mapapati a binilion a piso a nayon nga insertions iti bicameral conference committee iti national budget iti napalabas a tallo a tawen.
Karaman dayta iti umabot kagudua a trilion a pisos nga insertions iti 2024 budget, panagbaliw iti special accounts ken Department of Public Works and Highways (DPWH) road fund iti 2025 budget, ken nasurok P150 billion unprogrammed appropriations iti 2026 national budget a posible a mapapati a panaglabsing iti konstitusyon.
Idi Abril idi narugian ti oral arguments a nangipaganetgetan ti Office of the Solicitor General a napateg ti unprogrammed appropriations tapno maaramat ti gobierno no kas bilang maaddaan ti nayon a pondo wenno revenue collections.
