Pinasingkedan ni Agriculture Secretary Francisco Tiu Laurel Jr. a sumaysayaaten ti external conditions bayat ti panagsagana iti pagilian iti El Niño iti second half iti 2026.
Segun ti secretary, limmaka ti presyo ti gasolina ken abono kalpasan a ngimmato gapu ti tensyon iti nagbaetan iti US-Israel ken Iran.
Manipod iti umabot $930 kada metriko tonelada, limmaka ti presyo ti abono iti nasurok-kumurang $450 kada metriko tonelada.
Gapu dayta ket manamnama a bummaba pay ti presyo ti abono iti lokal a gobierno iti P1,600 agingga P2,000 kada sako apaman a dumteng iti Agosto.
Kinuna ni Laurel a makatulong iti nalaklaka a gastos iti produksyon tapno maallukoy dagiti mannalon nga agmula sakbay a kumaru ti El Niño, bayat nga ar-aramaten ti Department of Agriculture ti napapaut a panawen tapno mangipatungpal kadagiti addang kontra iti epekto ti El Niño.
