--Ads--
Mangnamnama ni House Deputy Speaker ken La Union Rep. Paolo Ortega V a masimpa iti kabiitan a panawen ti parikot iti Senado.
Segun ken ni Ortega, dayta ket tapno matutokan dagiti napapateg a gakat ken impeachment trial ni Vice President Sara Duterte.
Kinuna ni Ortega nga iti agdama ket naka-fluid wenno saan a sigurado ti sitwasyon iti Senado idinto a ti Kamara ket napalaus iti panangtutok kadagiti maipangruna a gakat iti salinong ti Legislative Executive Development Advisory Council wenno LEDAC.
Para ken ni Ortega, nasaysayaat no nasimpan a pribado iti patangan ti isyu iti nagbaetan dagiti senado imbes nga ipan pay laeng iti plenaryo a makaapektar iti trabaho iti Senado.
-- ADVERTISEMENT --
