VIGAN CITY – Simmangpeten idiay Clark City idi kalman dagiti sumagmamano a delegate ti Malaysia ken Thailand para iti pannakaisayangkat ti Pre Test Competition inton Sabado ken Domingo, October 26 ken 27 para iti umadanin a 30th Southeast Asian Games ti pagilian.
Segun kenni Salomague Elementary School principal Ronel Ubaldo, ti pre-test a maisayangkat ket isu iti pakaipadasan dagiti equipments a mausar inton SEA Games tapno masigurado iti usto a pannakasimpana ken tapnu maamuan nu nasayaat met laeng iti kalidad na ta naggapo pay iti sabali a pagilian.
Dagiti simmangpet a delegado ket naipan iti athletic village idiay New Clark City, Capas, Tarlac.
Maipalagip a ni Ubaldo ket maysa kadagiti lima pulo a national technical official a napili a mang-facilitate iti ay-ayam nga athletics inton SEA Games.
Sakbay iti pre-test, adda iti naisayangkat a lima nga aldaw a training-seminar workshop para kadagiti national technical officials kasta pay nga adda ti written exam a dimmalanan da kalpasan iti lecture ti International Technical Official.
