Nangipila ti reklamo ti actor ken Quezon City councilor a ni Alfred Vargas ken ti asawana a ni Yasmine kontra kadagiti nagannak ti maysa nga ubing a karaman iti panag-bully ken panangkabil ti anakda bayat nga agsansanay iti swimming.
Segun kadagiti agasawa, mapapati a naglabsing dagiti nagannak ti Special Protection of Children Against Abuse, Exploration and Discrimination Act ken napaayda pay iti akemda iti salinong ti Family Code a tarabayen ken disiplinaan t anakda.
Segun ken ni Vargas, namin-ano a darasda a pinadas a simpaen ti sitwasyon babaen ti pannakisarita kadagiti nagannak ti ubing ngem saanna ida a dengdenggen.
Karaman kadagiti insidente ket napasamak iti swimming competition idi Pebrero a nangiduronanna iti anakda it igid ti pool bayat iti warm-upo ket mismo a ni Vargas iti nakakita.
