Pinasingkedan ti Cybercrime Investigation and Coordinating Center (CICC) nga adda latta loophole wenno abot ti facial recognition system a maar-aramat ti Roblox para iti age verification dagiti user.
Iti panagdenggeg ti Senate Committee on Women, Children, Family Relations, and Gender Equality, inlawlawag ni CICC Executive Director Aboy Paraiso a saan nga umdas iti agdama a parental controls ti nasao a platform kangrunaan ti konteksto iti Pilipinas.
Segun ken ni Paraiso, iti insayangkatda a panagsukisok iti parental controls iti Roblox, napaneknekan a nadaras a switiken ti nasao a sistema ta naaramid nga irehistro dagiti adults kas ubbing.
Ti nasao nga imbestigasyon ket gapu kadagiti pakaammo a “grooming” ken kaso ti sexual abuse wenno exploration dagiti ubbing a mapaspasamak iti nasao nga ay-ayam.
Maipalagip a dandani na-ban ti Roblox iti Pilipinas ngem naipasardeng pay laeng kalpasan nga ingkari ti kompania nga ingetanda ti child protection mechanisms.
