Kayat ti House prosecution panel a papigsaen ti imbestigasion iti panagiwaras kadagiti peke a “quote cards” ken social media posts a mapapati a mangal-allilaw iti publiko maipanggep ti impeachment trial ni Vice President Sara Duterte.
Kiniddaw dagiti prosecutor iti Cybercrime Investigation and Coordinating Center (CICC) a tumulong iti panangbigbig dagiti adda iti likodan dagiti peke a sarita ken dadduma pay nga aramid a content.
Segun ken ni Bicol Saro Party-list Rep. Terry Ridon, agtultuloy nga agwarwaras ti maysa a peke a sarita a mainanaig ken ni Duterte defense lawyer ken spokesperson Michael Poa.
Ti CICC ket maysa nga inter-agency body iti salinong ti Department of Information and Communication Technology (DICT) a manginaig kadagiti ahensia iti gobierno iti pananglaban ti cybercrime ken panag-imbestigar kadagiti online a panaglabsing.
