Nairaman da PBA Legend Ramon Fernandez ken 1996 Olympic Games silver medalist Mansueto Onyok Velasco kadagiti lima a nainaganan para ti Philippine Sports Hall of Fame.
Dayta iti pinasingkedan da Philippine Sports Commission (PSC) chairman Patrick “Pato” Gregorio ken Philippine Olympic Committee (POC) president Abraham “Bambol” Tolentino iti PSC Media Office idiay Vito Cruz, Manila.
Segun ken ni Gregorio, ti Philippine Sports Hall of Fame ket saan laeng nga honor roll of medals ta isu ti gundaway tapno padayawan iti panagbalin a Pilipino iti biang iti ay-ayam.
Ti four-time PBA MVP a ni Fernandez nga addaan iti 19 PBA titles, ket miembro ti Philippine team a nagari iti 1972 Asian Basketball Confederation nga ita ket FIBA Asia Under-19 Championship ken 1973 ABC Championship.
Kadua da Fernandez ken Velasco ti baro a listaan dagti Filipino Sports Hall of Fame industees da Bea Lucero-Lhuiller iti gymnastics ken taekwondo, Isidro Del Prado iti athletics, Educardo Pacheco iti football ken basketball, Cecil Mamit ti tennis ken Adeline Dumapong-Ancheta ti powerlifting.
