Nasarakan a malnourished ken saanen a makapagna pay iti agtawen iti siam a lalaki kalpasan a mapapati nga inkulong ti bukodna nga ama iti uneg ti maysa a utility van manipod pay 2024.
Insalakan dagiti otoridad ti ubing iti daya a paset iti France.
Segun ti pisikal a ni Nicolas Heitz, nadiskubre ti ubing kalpasan a nagreklamo ti maysa a karruba a mangmanggegna ti uni ti ubing manipod iti nakaparking a van idiay Hagenbach, asideg iti nagbaetan ti Switzerland ken Germany.
Idi pinilit a lukatan dagiti polis ti lugan ket nakitada ti ubing nga addan iti fetal position, awan ti badona ken nabalkot laeng iti ules.
Agkurang ti nutrisyon ti ubing ken saanan a kabaelan pay iti magna kalpasan a nagtalinaed iti maymaysa a posisyon iti napaut a panawen.
Iti imbestigasyon ket impan iti ama ti ubing iti van idi November 2024 tapno salakniban gapu ta kayat isuna nga iserrek ti partner-na iti maysa a psychiatric facility.
No pay kasta, pinasingkedan ti pisikal nga awan ti rekord iti parikot ti panagpampanunot ti ubing sakbay a napukaw ken nasayaat ti performance-na iti pagadalan.
Sumango ti ama dagiti kaso a kidnapping ken dadduma pay a panaglabsing isu nga agtaltalinaed iti kustodiya dagiti otoridad.
